Нидерландын Вант Улсын Амстердамын Их Сургуулийн археологийн Аллаард Пиерсон (Allard Pierson) музейд 2012 оны 6 дугаар сарын 15-ны өдөр Монгол Улсын нутаг дэвсгэрээс олдсон 600-1400 оны үед хамаарах эд зүйлсийг дэлгэн үзүүлсэн “Хүлэг Морьтон” сэдэвт үзэсгэлэн нээгдлээ.
Уг арга хэмжээг Монгол Улсын Элчин сайдын Яам, Нидерландын Вант Улсын Боловсролын яам, Амстердамын Их Сургууль, Монгол Улсын Шинжлэх ухааны академийн дэргэдэх Археологийн хүрээлэн, Нидерландын Вант Улс дахь Монгол Улсын Өргөмжит консулын газар хамтран зохион байгуулсан бөгөөд  нээлтэд Монгол Улсаас Бельгийн Вант Улсад суугаа Элчин сайд А.Баттөр, Өргөмжит Консул Эдди Шипхорст, Пол Ван Вүүв, Монгол Улсын Шинжлэх ухааны академийн дэргэдэх Археологийн хүрээлэнгийн  захирал Д.Цэвээндорж нар болон НидВУ-ын албаны төлөөлөгчид оролцлоо.

За ингээд цэргийн баяраар Монголдоо очсон нөхрийнхөө араас Майн баяраар яваад очлоо. 10 жилийн дараа Монголдоо харихад минь тохиолдлоор билетүүд маань яг ингэж баярын өдрүүдээр таарсан юм. Буянт Ухаа дээр буугаад бага насны хүүхдүүдтэй тул хамгийн эхлээд л онгоцны буудлын жорлон орох хэрэг гарав. Хөөрхий Welcome to Mongolia гэсэн шиг л яг 10 жилийн өмнөх шигээ аймшгийн хуучирсан бас бохир заваан жорлон угтлаа. 6 настай охин маань шууд л why they didn't clean up гэж авч байна. Ээж нь мэдэхгүй ээ гээд аргалж гараад ачаагаа авах санаатай доошоо бууж хүлээн авах хэсэг дээр очив. Тэгсэн Америкийн муж бүрт шахуу $5 төлж байж авдаг ачаа зөөдөг жижиг тэрэгнүүд харин үнэгүй аржайгаад байж байна. Хуучиндуу л болохоос боломжийн, яагаад энэ тэрэгнүүдийг үнэтэй болгоод за болий банкны карт уншуулж авахгүйгээр хүн мөнгийг нь хураагаад зогсож байдгаар байж болдоггүй юм бол гэж бодогдлоо. Тэгээд тэрнээс олсон мөнгөөрөө энэ жорлонгоо болон бусад орчноо сайжруулах төсвийг яагаад гаргаж болохгүй гэж санагдсан.

Ингээд гэр лүүгээ явах зуур машины цонхоор Улаанбаатрынхаа хөгжилт цэцэглэлтийг сонирхлоо.Манай хот чинь зүгээр л том жижиг Рекламны самбарын орон болжээ гэж....

...Тэр жил дээ. Монгол Улсын Ерөнхийлэгчийн сонгуулийн өмнөхөн хөдөөний нэг хөгшин  хот ороод ирж л дээ. Саахалт хөгшин нь хотын сонин дуулах санаатай тэднийхээр очиж "Хот орноор сонин юутай вэ дээ?" хэмээн хэрэгт дурлаж. Хариуд нь хот яваад ирсэн хөгшин "Онц ч юмгүй шив дээ хө,  зурагтаар Энхбаяр дарга, эмэгтэй хүний даамск 2 л их гарах юм даа" гэсэн гэдэг.  Яг л тэр хэллэг шиг Монгол Улсын 3 дахь Ерөнхийлэгч  асан Н.Энхбаярыг авилгал, завшлын хэргээр барьж саатуулснаас хойш Монголын хэвлэл мэдээллийн хэрэгслэлүүд хэд хоног Энхбаяраар л "амьсгалав"    шив дээ. Хэрэг болгоод нет рүү орох болгонд "эрх нь зөрчигдсөн Энхбаярын тухай" бичмэл болон дүрстэй мэдээнүүд дүүрэн.